امورة حلب
المديره
عدد الرسائل : 1312
العمر : 38
مزاجك اليوم : 
تاريخ التسجيل : 13/11/2008
 |  موضوع: نق الرجال الأحد أبريل 12, 2009 11:51 pm | |
| الالف :
اعمليلنا طبخة كبة من تحت دياتك
إيمت بدك تتعلمي تتطبخي متل امي لك ايمت
الباء :بترك البيت وبمشي مو فارق معي شي هااا
بكرة رايحين على بيت أهلي يعني بكرا رايحين على بيت أهلي
التاء :
تعي شوفي ابنك شو عمل
تعباااان من ئعدتي ورا هالمكتب
الثاء :
ثالث مرة بقلك انو ما بحب الفاصوليا (ولا مرة حكا هالشي )
ثمرة حبنا عم يفعي قومي سكتيه بدي نااام
الجيم :
جاية بعد كل اللي صار ..وتتمة القصة
جاي عبالي ملوخية جاي عبالي ملوخية جاي عبالي ملوخية
الحاء :
حاج تقليلي بترك البيت وبمشي اعملي اللي يريحك واعرفي لو طلعتي من البيت ما رح اجي رجعك
حزري مبارح أمي شو قالتلي " قال أنا أحلى منك"
الخاء :
خدي ابنك عم يبكي
خيار وفقوس يعني, أمك بتبوسي ايدها أمي لا
دال :
دبريلك شي شغلة مشان نهديها لرفيقي بمناسبة زواجه على
دوريلي على فردة جراباتي , صرلي ساعة عم افتل وما عم لائيها " بكون اله بي دقيقة وعشر أجزاء من الثانية "
ذال :
ذلني ابوكي مفكره أنا بورجيكي انتي وابوكي
ذنبك , كلشي صار معي ذنبك انتي وبس "  "
راء :
رح آخدك عند أمي بكرا من الصبح , مشان تساعديها بالتعزيل
روحـــــــــــــــــي , الباب بيوسع جمل
زاي :
زرتي اختي متل ما قلتلك
زكاة الفطر هالسنة عليكي , مامعي حط شي لحضرتك , خلصي شوكك بإيدك
سين :
سكتي شوي خلينا نسمع الاخبار
سدي حلقك وما تفتحي تمك بكلمة , أنا رجال وكلمتي بدها تمشي غصب عنك
شين :
شو صايرلك اليوم لسا رايحة جاي متل مكوك الحايك " بتكون المخلوقة عم تنضف بيتها "
شيلي عني هالشوال البصل
صاد :
صديتلي نفسي عند هالمسا
صديقاتك حلوات كتير , روحي تعلمي منهن شو بيعملوا
ضاد :
ضربتي الولد ! والله ما بعرف مين اللي بدو ضرب
ضل عيلة فلان وعيلة علان بس ما عزمناهن , خلص جهزي حالك بكرا رح جيبهن عالعشا
طاء:
طالع خلقي وروحي براس منخيري
طالعيلنا شي 50 ليرة للي مسح بللور السيارة " ع أساس معه ألفات بس "
ظاء :
ظريف الحكي ... روحه مع رفقاتك ما في !
عين :
عيوني بكرا جاية امي واخواتي اعملينا اكل طيبة من تحت اديك
عازم رفقاتي بكرا عالعشا ...
غين :
غير ما تعتزرلي أمك مالي قبلان .. لكن حد يعزم التاني على الغدا قبل بساعه !
غطيني منيح باللحاف وخدي هداك الشرشف انتي
فاء :
فايقة وراااايقة ... مو وقتك هلاء انا مضايق
فوتي ولاد الجيران يلعبوا شوي عنا , منتسلا " بتكون هية عاملة حملة تنضيف كل النهار "
قاف :
قدري اني كل يوم بطلع من الصبح وبشتغل متل ال ...
قمصاني بدي حطها للكوي حاكم بحبها انو تكون كأني هلأ شاريها
كاف :
كم مرة قلتلك لا ترتبيلي مكتبي كل الاوراق ضاعت !
كركبتلك الغرفة حبيبتي , لاتواخذيني
لام :
ليش مو مرتبه المكتب شوفي كانو مليون عفريت داخل عليه
لسا مانمتي .. بكرا ما بتحسي وبتأخر على شغلي
ميم :ما بتفكري غير بحالك
ممكن تعيريني سكوتك
نون :
نسيتي كم فستان اشتريتي من وقت ما تزوجتك لحد هلأ
نيمي هالولاد بئا وخليني أعرف احضر هالمسلسل على رواق
هاء :
ها ما في اهون من كلمه طالق .. اعقلي يا مرا
هي هية الزوجة المطيعة
واو:
واجعني راسي رح ينفجر ...
ولسا ياما رح تشوفي , والله لورجيكي نجوم الضهر والله " بكون شابخها نئفة قتلة جايب أجلها فيا "
ياء:
يا حيف نحنا ما عنا رجال تخاف من نسوانهون
ياريت امي جاي معنا بهالسفرة مشان تكمل فرحتي | |
|
بيبرس
عضو نشيط
عدد الرسائل : 176
العمر : 51
المزاج : ؟؟؟؟؟
مزاجك اليوم : 
تاريخ التسجيل : 03/01/2009
| | موضوع: رد: نق الرجال الإثنين ديسمبر 14, 2009 5:55 am | |
| | |
|
امورة حلب
المديره
عدد الرسائل : 1312
العمر : 38
مزاجك اليوم :
تاريخ التسجيل : 13/11/2008
| | موضوع: رد: نق الرجال السبت ديسمبر 19, 2009 12:54 am | |
| | |
|
