افكار رومانسيه لرجال فقط!!

طبعا كتير نشوف مواضيع حركات رومانسية من الزوجه لزوجها ؟؟

بس دي المرة من الزوج لزوجته ؟؟؟

احم احم ؟؟ شوفوا يا شباب وتعلموا

الفكرة الاولى :

لما يكون عندكم مناسبة عيد زواجكم و الا عيد الفطر ؟؟
طبعا هي بتموت عشان تعرف انت ايش حتجيب لها هدية ؟؟
وكل ساعة تبغي تضرب لك نظرات ونغزات عشان تذكرك بالمناسبة بس انت يا ابو الشباب
سوي نفسك بطه بلدي ولا تدري عن شي ومطنننننننننش وقول لها بوديك اليوم بيت اختي او بيت امي
بدهم يشوفوك ؟؟؟
وانت روح بيتكم وزينه بالبالونات والشموع والزين .........الخ ؟؟
ومحضر لها الهدية اللي خاطرها ونفسها فيها ؟؟ مثل عطر نظارة ساعة شئ ذهب خاتم
اسوارة ؟؟؟
وطبعا لا تنسى تشتري العشاء الجاهز وانت كمان جهز نفسك من لبسك وكشختك،تمر عليها وتوديها البيت وتفاجأها بالحفلة الصغننونة اللي مسويها لها ؟؟؟

طبعا حط في بالك طوال حياتكم ( تنتبه لها ايش نفسها تشتري من وقت للتاني ) وحط دا الشي في بالك لوقت المناسبة .. ومو شرط بمناسبة لو سالتك

ايش المناسبة قولها .. بمناسبة اني احوووووووووووووووووووبك ..

الفكرة الثانية :

تقول لها حياتي روحي جيبي الغرض الفلاني من الغرفة بسرعة ضروري ؟؟
وتسوي نفسك مشغول بشئ وما تقدر تروح تجيبه ؟؟ طبعا هي بتروح طوالي على
الغرفة.. بس انت بتكون محضر لها مفاجأة وردة حمراء ندية مع رسالة حب او شعر جميل ؟؟
تحطه لها فوق الغرض اللي طلبت منها تجيبه ؟؟

الفكرة الثالثة :

لما تعزم اصحابك مثلا للبيت وتكون زوجتك متعبة نفسها بالطبخ والنفخ وما خلت

طبخة الا وسوتها ؟؟؟
بعد ما تودي الاكل للمجلس والجماعة يخلصون الاكل كله ويحشونه حش ؟؟
تروح لها تجيب الشاهي وبعدين اتسوي لها بأصبع الابهام انتي كدا ؟؟ عرفتوا الحركة ؟؟
عشان تبين لها ان الاكل كان تمام وكل شئ كان مميز ولذيذ ولا تنسى طبعا كلامك ومدحك
للأكل حتى لو كان مغبر ومالح وماله طعم...
تعرف ان التعب اللي تحس فيه كله بيروح من كلماتك اللي صارت مثل البلسم على قلبها ؟؟

الفكرة الرابعة :

لما انت تجي من الشغل وهي تكون مشغولة بالطبخ وما تدري ؟؟ مو تقعد تزعق يا فلانة
واش صار بالغداء استوى والا لسى ؟؟ وكأنك ملهوف ؟؟؟
ادخل بهدوووووووء وبدون ما تحس فيك وروح لها المطبخ وفاجأها وضمها ؟؟
وقول لها طبعا من بعض الكلام الحلو وانك مشتاق لها وطوال عملك كنت تفكر فيها؟؟
وحتى لو كانت ريحتها ثوم وبصل لما تشوف منك دي الحركة بسرعة بتخلص الطباخ
وبتعدل نفسها وتتعطر وتلبس لك احلى قميص بنكي ههههههه ؟؟

الفكرة الخامسة :

طبعا يوم الاجازة الزوجة محتاجة للتغيير والطلعات والروحات بس في رجال ما يودون
زوجاتهم الا بالمضاربة والزن على دماغهم يالله يرضون ؟؟
بس انت عاد لازم تصير دي المرة غير تقولها جهزي نفسك بنروح بيت واحد صااحبي ؟؟ طبعا هي بتصدق ؟؟؟
وحاول في السيارة تكون الاجواء مختلفة تحط موسيقى كلاسيكية ناعمة وتقول لها كلام حلو عشان تحلو الطلعة ؟؟
بس المفاجأة انك ما بتوديها بيت صاحبك ( هو ووجهه اللي كانوا ريال سلف ) .. لا .. بتوديها المكان اللي هي تحب تروحه
او مكان حلو ما راحته مثلا مطعم، البحر ،الملاهي، مجمع او أي مكان
في خاطرها تروحه ؟؟؟ والله انها بتنبسط وما بتصدق؟

دي الافكارالبسيطة سهلة ما فيها شي لو طبقها الرجل ما بيخسر شي....

اخواني زوجاتكم قلوبهم طيبة ويحبونكم بس محتاجين منكم تحسسونهم بالحنان والحب
ودلعوهم شويه ؟؟

لكن والله المشكلة الأليمة لما انت تحوووبها من كل قلبك وتعمل لها بارتيات وحركااااات لكن هي ما يأثر فيها دا الشي

وعشان دا الكلام اقول ( الذكرى ذكراك والقلب لن ينساك ) ..

والله يهني كل المتزوجين ويجعل المودة والرحمة تعشش بقلوبكم ؟؟

» افكار منزلية روووعه
» ستة افكار لرائحه جميله لغرفتك